Annonse
Bygger gang- og sykkelveg mellom Vindøla og Røv
Møre og Romsdal fylkeskommune skal bygge ein kombinasjon av gang- og sykkelveg og fortau langs fv. 65 mellom Vindøla og Røv i Surnadal kommune. Entreprenørar har frist til 14. februar med å levere tilbod, melder fylkeskommunen på si heimeside.
Publisert
Sist oppdatert
Vegen er skuleveg til Mo oppvekstsenter og det er busetnad og industri tett innpå vegen. Det køyrer i gjennomsnitt 1600 køyretøy på strekninga i døgnet, 12 prosent av dei er lange køyretøy.
Kontrakten inneheld:
- 900 meter gang- og sykkelveg
- 500 meter fortau
- Ny gang- og sykkelvegbru på 71 meter over elva Vindøla
- Betre sikt for trafikantane ved Røvbrua
- Terrengstabilisering
- Fire busslommer
- Veglys på heile strekningen
Fylkesutvalet godkjente i desember 2021 utlysing med kostnadsramme på 85 millionar 2021-kroner. Byggestart er planlagt våren 2022, og ferdigstilling sommaren 2023.
Informasjonen er henta frå Møre og Romsdal fylkeskommune si heimeside.
