Tysdagens fjellgruppetur til Syltnebba

Vi starta turen frå Alpinsenteret til Syltnebba. Utruleg bratt var det opp både grusvegen og stien opp til toppen. Det har med åra blitt både brattare og lengre, merkeleg!?...

Men humøret og innsatsen var på topp, og alle 27 kom opp på Syltnebbas topp 667 moh. Fantastisk utsyn rundt i 360 grader, hadde vi og i klårveret, Så vakkert med alle fjella rundt om, bygda og fjorden!

Ja, mest alle kunne og sjå heim! Så fint at Svein Tjelle guida oss ned ein annan veg enn den vi gjekk opp! Fint med variasjon, og stien var lett og fin å gå ned på nordsida av Syltnebba. 

Vi gjekk forbi Setersetra og deretter etter Gjertrudstien som enda eit godt stykke oppe i alpinbakken. Bra for oss at vi slapp å bruke slalomski for å kome ned!.

Vi hadde flaks med at dette vart den siste godversdagen på ei stund, og er takksame for enda ein tur sanman i triveleg lag.