Fjellgruppas tur til Møkkelfjellet

Tirsdag 12. september dro fjellgruppa på tur til Møkkelfjellet. Vi starta fjellturen frå Fjærli i Valsøyfjorden. Først på ein sti opp gjennom ein tett skog. Deretter på ein god skogsveg som førte oss heilt fram til Fjærlisætervatnet. Der ved Fjærlihytta tok vi vår første matpause i sola.

Turen gjekk så vidare på ein sti med behageleg stigning oppetter fjellsida. Det siste stykket opp til toppvarden var skikkeleg bratt, men heldigvis ikkje langt!

Frå Møkkelfjellets topp, 633 moh, fekk vi det flotte og vide utsynet i alle himmelretningar med fjell, vatn, fjordar og øyer! Såg faktisk heilt til Hitra!

Det vart og ein god og lang kvil med matpause ved toppvarden. Og enno ein gong var vi heldig med veret, ja griseflaks! Opphald og mykje sol på heile turen. Og på bilturen heim kom regnet.

Vi alle nitten tykte vi fekk ein overlag fin fjelltur.

Neste tur vert kunngjort seinare.