Ei magisk oppleving i Stangvik Kyrkje

Søndag 15. oktober vart eit musikalsk høgdepunkt i Stangvik kyrkje da kammerkoret Ensemble Dalí heldt ein minneverdig konsert. Koret skapa ein behagelig og stemningsfull atmosfære med si framføring av den kjende komposisjonen «Vesper» av Sergej Rakhmaninov. 

Dirigent Anette Dean ønskja velkomen til publikum og forklarte at verket er ein utfordrande allnattsvake. Dei 15 satsane består av både krevande bassparti og nye lydar som koret ikkje er vande med. Dean ba om stillheit og respekt for kyrkjerommet i pausen, og oppfordra til å vente med applaus til etter konserten.

Konserten starta og Ensemble Dalí viste seg som eit dyktig og samspelt kor. Tenorsolist Olve Haugen og altsolist Oda Fredriksen viste fram sine imponerande talent med kraftfulle stemmer og eineståande vokalteknikk. Dirigent Dean leia koret med presisjon og lidenskap.

Bass Richard Liodden Sanders satt igjen med ein svært god kjensle etter konserten.

— Det er godt å framføre så god musikk, kjenne seg godt forberedt og ha med seg gode solister og ein dirigent som vi er trygge på, sa Sanders. Det er også fantastisk å få synge i Stangvik Kyrkje med god akustikk og vakre omgivelser. Alt Julie Refseth seier det er ein ære å få vere med å framføre dette verket.

— Dette er jo et av kanonverka innafor korsang, fortsatte ho.

— Man kan jo spørje kvifor vi vel å framføre russisk musikk når Russland angrip Ukraina, seier Richard. Vi tykkjer Rakhmaninovs skrev musikk som er verdt å få spelt, det er kirkeslavisk og det er like viktig i Ukraina som i Russland. Dette er verdsmusikk, fortsatte han.

Snart er det tid for korets årlige julekonsertar, og koret skal også framføre Vesper igjen under Ålesund Kammermusikkfestival i februar. Julie Refseth la til at dette er eit kor som rekrutterer.

— Det er lov for nye sangere å bli med, om dei er interessert å synge storslått musikk, seier Refseth. Koret har øvingar i Kristiansund.

Ensemble Dalí imponerte og konserten var ein stor suksess. Publikum svara med ståande applaus og Rannveig Brøske, leiar i soknerådet i Stangvik delte ut blomstrar til dirigenten, på vegne av Stangvik sokneråd og publikum.  

—Vi som er her i dag er ei eksklusiv gruppe. Vi er heldige som fekk ei slik fantastisk oppleving. Takk og velkommen tilbake, sa Brøske før ho delte ut blomstrane.

Koret består av:

Dirigent Anette Dean

Olve Haugen

Oda Fredriksen

Beate Klipperberg

Christine Reitan

Ellen Dorthe Jensås

Pia Margaret Samset

Åse Schiøtt

Anja Poulsen

Hanne Benedicte Drabløs

Inga Sølvi Korsvik Melby

Borghild Neergaard Aarset

Hanne Synnøve Liodden Sanders

Julie Refseth

Lillian Jakobsen Furulund

Christina Drewes

Monica Ødegård

Helle Janss Haugli

Eirik Helgesen

Eirik Mundhjeld

Karl Yngve Lervåg

Rune Martinez

John Henrik Møllerhagen

Marius Nilsen

Geir Olav Rød

Karl Aksel Eide

Sigmund Rodal

Ralph Herter

Richard Liodden Sanders

Terje Takle

Trond Håskjold

Gunnar Amadeus Syvertsen

Øyvind Schøitt