Årets første fjellgruppe-tur
Årets første tur gjekk til Høgberget. Heile 25 glade turfolk - derimellom fleire nye, dei er vi glade for - hadde tålt overvintringa godt, og la iveg oppover Øyagardslia.
God veg og gode stigar, samt kjentfolk, gjorde at vi kom raskt fram til utsikspunktet på Høgberget. Overlag fin utsikt over den breie nerbygda, der våronna stort sett er over. Men vi såg og stor industri og verksemd ellers, på Syltbakken og uti Røta.
Etter litt mat og drikke fekk vi nye krefter, og fortsett vidare opp over til ei fin mark som no er beite, men som tidlegare sikkert har vore slåttamark. Det er mange stigar og vegar oppi Øyagardslia, så nedatt vart vi førte gjennom eit boligfelt og opp til gapahukane ovanfor Øyaskulen.
Ein variert og fin tur i ukjent mark for mange av oss.
Neste tirsdag går turen til Flesa og opp på Solemsetra.
Bilde frå turen til Høgberget:
