Mat og mote i skjønn harmoni

Det var folksamt og god stemning i Fiskegården da vi tok turen til INC. og Cafè Somti sitt arrangement Mat og mote. 

Cafè Somti opna i klesbutikken sine lokaler i mars og har blitt ein populær serveringsstad i Surnadal. Menyen er satt saman av kokk Live Krangnes Edvartsen, som er dotter av dagleg leiar i INC. Bente Krangnes Edvartsen.

Denne laurdagen fekk kundane både mannekengoppvising med haustnyheiter frå butikken og ein utvida meny i cafèen.

Hedda og Live var på plass i cafèen og kunne by på både god service og nydeleg mat. For anledninga hadde Live koka graut av rømme frå Todalen Meieri. Den blei servert saman med heimelaga potetsalat og salami frå Gårdsslakteriet Sylte.

Bente kunne fortelje at vi kan sjå fram til fleire arrangement framover, moglegvis i samarbeid med ein av dei andre lokale leverandørane. Ein av planane er å få til eit julearrangement i samband med opninga av julebutikken. 

– Kanskje til og med julegrantenning, lo damene bak disken.

Bente fortalde òg at gjengen i Gårdsslakteriet Sylte allereie er klare for ein ny vår, og ser fram til å få fram grillane til eit arrangement i samarbeid med cafèen. 

Med andre ord er det mykje å sjå fram til. Cafè Somti stenger for ein periode i september for å evaluere og planlegge vegen vidare.
INC. er opent som vanleg, og cafèen opnar igjen 2. oktober.