Ei eldre dame får en bukett med roser, mens flere personer står rundt og ser på.
Ein litt rørt jublant fekk roser frå dugnadsgjengen – overlevert av Randi Bøe.

Feira 80 - med kyrkjegards­dugnad!

Inger Bøe på Bølandet stikk seg ikkje fram i utide. Men ho er alltid med når sambygdingane møtest.

Bernt G. Bøe INNSENDT BIDRAG
Publisert

Tysdag stilte ho med riva og sitt gode humør på rakardugnaden ved Åsskard-kyrkja. At ho fylte 80 år same dagen, fekk koma i andre rekkje. 

– Gebursdagar kjem da kvart år, smilte ho.

Hurra-song og roser

Nokon i dugnadsgjengen hadde fått nyss om årsmålsdagen. Så ved kaffen etter arbeidsøkta vanka det både «Hurra for deg»-song og rosebukett til ein overraska og smilande jubilant. Og Inger ber åra sine lett – ikkje minst takka vere dagleg trim til Osen og andre turmål i Bøfjorden.

Tre damer med river på kirkegårdsdugnad.
Kjellaug Sollid (frå venstre), Gunnhild Skjerdal og Marit Settemsdal kan å bruke rivene.

Rydda til vårens festdagar

Eit tjuetal frammøtte sørga – trass i vinden og ruskeveret - for rask og grei våronn rundt Åsskard-kyrkja denne ettermiddagen. Etterpå var det pølse, svele og kaffe i Kyrkjestua, der praten gjekk livleg som alltid.

Litt plenklipping står att. Men til 17. mai og til konfirmasjonen på Kristi Himmelfartsdag er kyrkjeområdet pynta til dobbel vårfest. 

Fem damer rundt et bord med kaffe og sveler.
Kjellaug Sollid, Gunnhild Skjerdal, Kari Aarnes (kjøkensjef også denne gong), Eva Jorid Svendsen, Jane Svensli (meister for dei nydelege svelene) og Svanhild Bævre.
Flere personer rundt kaffebord.
Samling etter endt dugnad.
åsskard kyrkje surnadalsnytt nyheter kyrkja i surnadal
Powered by Labrador CMS