Nye, gaue arrangement rundt hjørnet

 Ta ein titt på desse:

Markering av «Friluftslivets år» på Åsskard:

Laurdag 30. august kl. 12.00-17.00 blir det liv og røre med markering av «Friluftslivets år» ved grendeplassen på Åsskard. Program for dagen:

· Frå kl. 12.00 og utover dagen: Anledning til å bli med å ro kyrkjebåten Hjelmkånnå.

· Boccia, eit spel for alle aldersgrupper.

· Gåtur til Bjønndalen, tur/retur ca. 5 km.

· Kl 15.00: Kåseri med tema: «Langs Åsskardfjorden i gamle dagar» v/ Bernt Bøe.

· Det blir anledning til å fiske frå brygge, ta med fiskeutstyr.

· Grendaplassen har trampoline, fotballbane og sandkasse som kan benyttast.

· Salg av kaffe, saft og vaflar.

· Ta med det du vil av grillmat- vi tenner på grillen.

 Arrangør: Åsskard velforening

Natt i naturen på Kavlvegen:

Kulturavdelinga i Surnadal kommune markerer starten på «Friluftslivets uke» med «Natt i naturen» på Kavlvegen kultursti på Eidet laurdag 30. august. Det vil bli fyrt opp i grua kl. 19.00.

Dette er eit arrangement som passar for dei fleste, uansett alder og fysisk form. Ta med eige utstyr til overnatting ute og nok med klede og mat! Det vil bli hengekøyepark i furuskogen på myra. Inga påmelding til arrangementet!

Familiedag på Vaulen:

Søndag 31. august inviterer Surnadal JFF til familiedag på Vaulen på Nordmarka. Det blir felles avgang frå parkeringsplassen ved Solåsvatnet kl. 10.00. Turen inn til Vaulen tek i underkant av to timar, og går i lett terreng, men viss du har problem med å koma deg dit til fots, er det berre å ta kontakt med arrangøren. Dei vil så langt som muleg sørgje for båtskyss innover. Framme på Vaulen vil det bli aktivitetar for både store og små, og sjølvsagt mat å få! Om nokon har lyst til å dra innover dagen før og overnatte, er dei hjarteleg velkomne til det, men da må dei ordne med mat i samband med dette sjølve! Arrangementet er gratis, men hugs bompengar for Vestre Nordmarksvegen. Meir info om arrangementet i aktivitetskalenderen på Surnadal JFF.