![Aashild Settemsdal (t.v.) og Inger Lise Heggem tok imot kyrkjevelgjarane i Bøfjorden. To blide damer som sitter ved en valgurne merket med den norsk kirkes våpenskjold.](https://image.trollheimsporten.no/253091.webp?imageId=253091&x=0.00&y=22.54&cropw=100.00&croph=70.40&width=960&height=462&format=jpg)
Valg for kyrkja
Kyrkjevalg på bispedømeråd og lokale sokneråd vart gjennomført på same tid og stad som dei politiske avstemmingane i går. Dette sikrar truleg betre deltaking enn i gamle dagar, da ein stemte på sokneråd i samband med gudstenester i kyrkja. Ein ser nok at trass i stor innsats blant valgarrangørane kjem kyrkja i skuggen av kommune- og fylkespolitikken. Ikkje dess mindre er soknerådet eit viktig juridisk organ som basis for demokratisk styring av kyrkja.
Varierande deltaking
Som aktør har eg nokre fotoglimt frå Åsskard - eitt av dei fem kyrkjesokna i Surnadal. Her deltok rundt (raskt rekna) 20 % av dei stemmeføre i kyrkjelyden. Oppslutninga i Todalen var langt betre - truleg best i kommunen. Nytt av året var at unge ned til 15 år kunne stemme, men svært få tenåringar deltok.
![Her gjer ein blid Ivar Rikardsen si «kyrkjeplikt». En smilende mann som putter sin stemme opp i valgurnen.](https://image.trollheimsporten.no/253095.webp?imageId=253095&x=0.00&y=0.00&cropw=100.00&croph=97.43&width=960&height=1038&format=jpg)
Fire bispedømelister
Parallelt med soknerådsvalget stemte ein del også på nytt bispedømeråd i Møre. Her var det lister frå Nominasjonskomiteen, Åpen Folkekirke, Frimodig Kyrkje og Bønneslista. Førsteinntrykket her var stor sprik i resultat frå bygd til bygd.
Komplisert teljesystem
Etter at lokala stengte, samlast funksjonærane til oppteljing på Kyrkjelydshuset i Surnadal. Med eit komplisert og tidkrevande digitalsystem vart ein ikkje ferdig før borti midnatta. Konstituert kyrkjeverje Lene Wilhelmsen gjorde ein storarta jobb med gjennomføringa - sjøl om det sentrale datanettet gjekk i stå på grunn av den store pågangen landet rundt. Endelege lister over innvalgde til nye sokneråd er ikkje ferdige, men vil koma etter kvart.
![Oppteljinga på Kyrkjelydshuset tok lang tid. Her er Per Arne Hyldbakk, Randi Vetleseter Bøe og Jane Svensli i sving. Tre personer som sitter rundt et bord og teller stemmer.](https://image.trollheimsporten.no/253096.webp?imageId=253096&x=0.00&y=0.00&cropw=100.00&croph=86.24&width=960&height=548&format=jpg)