Stemningsfull og verdig minnemarkering i Surnadal

Onsdag var det femten år sidan bombeangrepet mot Regjeringskvartalet i Oslo og massedrapa på Utøya 22. juli 2011.  

Totalt 77 personar mista livet under dei to terrorhandlingane, som er den verste terrorhandlingane i Norge sidan andre verdskrig.  

I tillegg til dei 77 personane som vart drepne, vart godt over 250 skadd, fleire av dei alvorleg. Mange slit også framleis med psykiske seinskadar etter terrorhandlingane. 

Stemningsfull og verdig minnemarkering  

Surnadal kommune og kyrkja i Surnadal inviterte i samband med dette til minnemarkering i Øye kyrkje.  

Før det offisielle programmet vart kyrkjedørene opna til stille kyrkje, der det var rom for ettertanke og refleksjonar. Den som ville, kunne også tenne lys i lysgloben.  

Preludium og opningsappell 

Minnemarkeringa starta med at Johanne Holten, Daniel Løseth og Sigve Holten spela preludiumet «Barnetro».  

Fungerande ordførar i Surnadal kommune, Annett Ranes, helt opningsappell.  

- For å ha et levende demokrati, så må vi bryte meninger, vi må diskutere saker, og vi må så inderlig vel tåle å være uenige uten å til til latterliggjøring og vold, sa Ranes i appellen sin.  

- Vi må lære oss hvor grensen går mellom ytringsfrihet og trakassering, la ho til.  

Ho nemnde også alle såra og saknet som vart skapt denne dagen, sår og sakn som er der heile tida, men blir kraftigare ved bursdagar og andre høgtider.  

- Eg vil oppfordre dere alle her i dag! Glem ikke bakgrunnen for handlingene. Og bruk stemmen deres, oppfordra Ranes.  

Salmesong og musikalske innslag 

Ida Mo, Johanne Holten, Ellen Svendsen Fiske, Daniel Løset og Sigve Holten song og spela fine songar. Her fekk vi i første bolk høyre «Sangen om de glemte», «Himmelhøge sti» og «Floden».  

I andre bolk fekk vi høyre «Skyfri himmel», «Eg gløymer deg aldri», «Danser på skyene» og «Barn av regnbuen».  

Dikt og salmesong avslutta minnemarkeringa 

Ei bevega Lene Wilhelmsen las diktet «Fortell meg» av Ragnhild Bakke Waale, før den stemningsfulle og verdige minnemarkeringa i Øye kyrkje vart avslutta med salmen «Jeg tror på jordens forvandling».