Ung innsats for andre

Tysdag gjekk årets Fasteaksjon for Kirkens Nødhjelp. Ein stor ungdomsbevegelse både lokalt og nasjonalt.

Den årlege fasteaksjonen engasjerer på landsplan rundt 40.000 unge og vaksne bøsseberarar. I vårt fylke deltek 1500 konfirmantar forutan mange vaksne, både som sjåførar, arrangørstab og med bøsser.

Altså: Ein kjempestor bevegelse verdt både ros og omtale. Og gjennom effektive Kirkens Nødhjelp gir dei innsamla midlane enorme resultat i umiddelbare så vel som langsiktige prosjekt.

Med pengane klare!

Vi var tett på dei fem konfirmantane og vaksenkorpset i Åsskard denne kvelden.

Både her og elles er det alltid stor velvilje å møte blant publikum.

- Mange plassar stod dei venta med pengane klare! fortalte Fredrik. - Og fleire ville ha oss til å hjelpe seg med vipps-betalinga, la Martin til.

Aksjonen held fram

Det var eit par intense, men effektive timar. Og lærerikt: Dei unge innsamlarane vart godt kjende med folk og landskap i kyrkjesoknet sitt!

Dessverre tek behovet for nødhjelp aldri slutt – sjølv med ei vellykka innsamlingskveld.

– Aksjonens vippsnummer 2426 står alltid ved lag, seier KN-leiar Bente Hjertenæs i Møre bispedøme.

- Så det er framleis muleg å bidra med støtte!