Sjøbruksmuseet søndag:

Ei dame og en mann som holder opp bilder en en plakat med ord.
Hyldbakk, Gravvold og ein flora av gode terrengnamn er søndagens tema på Bøfjorden Sjøbruksmuseum. Med Bøkleppen og Supakleppane i bakgrunnen inviterer kaffeansvarleg Gunnhild Vetleseter Bøe og programleiar Bernt Bøe til ein lattermild (og kanskje litt lærerik) ettermiddag.

Artig-vers og naturnamn

Fargerikt lokalspråk fyller søndagens tema på museet i Bøfjorden. Morodikt av Hyldbakk og Gravvold, friske terrengnamn og flotte naturfoto står på plakaten.

Bernt G. Bøe INNSENDT BIDRAG, for BØFJORDEN HISTORIELAG
Publisert

Jørgen og Hans hadde brei penn og tolka alle livets sider. Men denne gong vil dei ha oss til å le - rett og slett: Vi les «Ita kviløk», «Øraliv», glimt frå «Olaf» sine påfunn og meir til av Jørgen. Hans blir representert med «Bastuba’», «Pollakarrain» og slikt.

Portrettbilde av en mann.
Gode vers frå «Ville blomstra» av Jørgen Gravvold blir å høre.
Bilde av en statue, hodet til en mann.
Med «hauet på ein stake» (som han sjølv sa) kan Hyldbakk virke alvorsam her. Men Kleivakongen kunne også få folk til å le!

Terrengnamna fortel

På lerretet dukkar flotte landskap fram - med terrengnamn som fortel sine historier. Da blir det gjerne samtale med publikum om kva namna betyr og korleis dei vart til: Sjølgjetla, Durmålhaugen, Skjerdingfjellet, Håkkåsteinen. Mystikk og pussigheter manglar heller ikkje: Tussan, Trollbakkan, Tjyvåa - og Skamvettholet! 

En stor stein på fjellet.
Grensestein, turmål og namnegåte: Håkkåsteinen.
Utsikt over en fjord, ei bru og begynnelse ved fjorden.
Frå Bølia kan ein fråtse i namn og landskap: Tussane og (innder) Blåfjellet, Svarthammaren, Elvaneset og Merrabukta, Grashomen, Steinholmen og Purkvika ... berre forsyn deg!
Både opphav og skrivemåte gjer namnet Tjyvåa ved Trodalen til ei lita gåte.

Humor og språkglede

Logikk og skrivemåte kan luftast. Kvifor skriv kommunen «Orrenlia» om området som er oppkalla etter orrhøna? Rom for debatt er det sjølsagt. Men det er humor og språkglede - over kaffekoppen – som skal prege denne søndagen på Bøfjorden Sjøbruksmuseum.

ANNONSE:

arrangement bøfjorden sjøbruksmuseum surnadalsnytt kultur bøfjorden historielag nyheter historie
Powered by Labrador CMS