Åpen Dag med Rindal Pensjonistlag
![Te-nyting](https://image.trollheimsporten.no/207727.webp?imageId=207727&width=960&height=548&format=jpg)
Teselskap
Samlinga på Rindal Eldresenter denne torsdagen opna med " Dei gamle fjell i syningom" før ledar Helene Marie Nergård gav ordet til Anna Sæther som tok oss med heilt til det fjerne Austen.
![Anna Sæther, misjonær og te-elskar](https://image.trollheimsporten.no/207711.webp?imageId=207711&width=960&height=548&format=jpg)
Anna Sæther frå Surnadal har 40 år bak seg som misjonær på Taiwan og flytta heim i 2014. Som misjonær for Misjonssambandet budde ho fleire stader på Taiwan, men mest i store byar, mellom anna hovudstadområdet Taipei som har ca 6 millionar innbyggarar.
Der finn vi skyskraparen Taipei 101, Taipei Financial Center, som har 101 etasjar over jorda og 5 under jorda, kunne ho fortelje. Sidan det ikkje er uvanleg med jordskjelv der, så har bygget spesielle innretningar som skal sikre det. (sjå Wikipedia)
Sæther arbeidde både i menigheitene og i radiokanalen Voice of Salvation som har 6 program kvar dag i veka. Ho saknar Taiwan, men mest folket. Dei siste åra var ho einaste norske misjonæren der.
![Eldresentret som Tehus.P](https://image.trollheimsporten.no/207723.webp?imageId=207723&x=1.22&y=2.03&cropw=97.09&croph=96.74&width=942&height=866&format=jpg)
Te-trekking er fin kunst, livsstil og kultur, slo ho fast.
![Teplantasje og det kinesiske teiknet for te.](https://image.trollheimsporten.no/207715.webp?imageId=207715&x=0.00&y=0.00&cropw=100.00&croph=100.00&width=902&height=604&format=jpg)
For hovudemnet for Åpen Dag var så klart te! Det bar heile rommet sterkt preg av. Borda var dekte med mange av te-servisa frå samlinga til Anna Sæther på fine dukar.
![Eitt av dei fine te-sevisa.](https://image.trollheimsporten.no/207714.webp?imageId=207714&x=0.00&y=0.00&cropw=100.00&croph=85.71&width=930&height=532&format=jpg)
![Anna Sæther haustar te.](https://image.trollheimsporten.no/207717.webp?imageId=207717&width=960&height=548&format=jpg)
Anna Sæther la levande engasjert ut om te-kulturen og om helseeffekten av te. Kåseriet var illustrert med kreative bilde på storskjermen.
![Teselskap](https://image.trollheimsporten.no/207716.webp?imageId=207716&x=0.00&y=0.00&cropw=99.40&croph=100.00&width=902&height=606&format=jpg)
![Seremonien er i gang!](https://image.trollheimsporten.no/207719.webp?imageId=207719&width=960&height=548&format=jpg)
Ho opplevde tidleg kva plass te hadde hos folk på Taiwan. Når ho kom inn i ein heim var det naturleg for henne å seie "god dag." Da kunne ho bli møtt av eit "versågod, ein kopp te!"
Te først - vent litt, det skaper ro over møtet!
![Lukte](https://image.trollheimsporten.no/207720.webp?imageId=207720&width=960&height=548&format=jpg)
![Føle](https://image.trollheimsporten.no/207721.webp?imageId=207721&width=960&height=548&format=jpg)
![Smake](https://image.trollheimsporten.no/207722.webp?imageId=207722&width=960&height=548&format=jpg)
Te er jo den mest vanlege drikken i verda, nest etter vatn.
- Te dehydrerer ikkje kroppen slik som kaffe.
- Tedrikking har stor verknad på hjernefunksjonen.
- Te gir god helse og godt liv, det er antioksydantar i grøn te, mest i kvit te.
- Tre koppar te om dagen reduserer risiko for hjerte- og karsjukdommar.
- Te hindrar vektauke.
- Te reduserer kolestrol.
- Sunt for tennene, i følge forskning frå -90-talet, for te inneheld fluor.
- Te hjelper oss til å glømme problem og bli meir medgjerlege, godt for ekteskapet.
- Te sinker aldringsprosessen (noko kåsøren sjøl var eit godt eksempel på!)
![Anna likte best den raude teen.](https://image.trollheimsporten.no/207713.webp?imageId=207713&x=0.00&y=0.00&cropw=100.00&croph=100.00&width=898&height=600&format=jpg)
![Slik serverer du Olanga-te.](https://image.trollheimsporten.no/207724.webp?imageId=207724&x=0.00&y=0.00&cropw=100.00&croph=100.00&width=898&height=676&format=jpg)
![Tekanner.](https://image.trollheimsporten.no/207731.webp?imageId=207731&width=960&height=548&format=jpg)
- Det er sælebot å verme hendene rundt ei te-kopp og sippe te og, ptu - ptu, spytte ut rester av teblad.
![Te først, så kaffe og brødskive.](https://image.trollheimsporten.no/207710.webp?imageId=207710&x=0.00&y=0.00&cropw=83.97&croph=100.00&width=898&height=516&format=jpg)
![Taiwansk husflid.](https://image.trollheimsporten.no/207732.webp?imageId=207732&width=960&height=548&format=jpg)
Anna Sæther bestemte seg for å studere te - dyrking, produksjon og servering før ho drog frå Taiwan, og det ville ho gjerne dele med oss.
![Tesmaking](https://image.trollheimsporten.no/207726.webp?imageId=207726&width=960&height=548&format=jpg)
![](https://image.trollheimsporten.no/207728.webp?imageId=207728&x=0.00&y=0.00&cropw=100.00&croph=100.00&width=898&height=746&format=jpg)
Vi fekk høre om ulike te-sortar og kva som skil dei før vi fekk servet olong-te frå Taiwan i dei flotte te-servisa som borda var dekte med.
Trass i grundig gjennomgang av korleis te skal serverast, lydde overgangen til dagens te-servering:
- Te e så lite nøye att dokk må gjærra det akkurat så dokk vil!
Etter ønske frå publikum fekk fleire eit lynkurs i kinesisk som visstnok har over 40.000 teikn/bilde, men ingen vart utlærd! Sjøl hadde Anna fått høyrd at det er verst dei første 40 åra. Ho var glad for å ha fått lært så pass mykje av eit språk som gjeld 1/5 av folka på jorda.
![Fredeleg Teaparty!](https://image.trollheimsporten.no/207729.webp?imageId=207729&width=960&height=548&format=jpg)
Anna Sæther hadde te-selskap for Senioruniversitetet for indre Nordmøre tidleg i vår. Reportasjen frå dette selskapet delte ho på sosiale media, og det førte til at ho fekk sendt ny forsyning med te frå Taiwan!
![Teselskapet.](https://image.trollheimsporten.no/207725.webp?imageId=207725&x=0.00&y=0.00&cropw=100.00&croph=76.06&width=942&height=538&format=jpg)
![Takkegaven vart overrakt med begge hender på taiwansk vis.](https://image.trollheimsporten.no/207730.webp?imageId=207730&x=0.00&y=0.00&cropw=100.00&croph=85.53&width=930&height=532&format=jpg)
![Engasjerte lyttarar](https://image.trollheimsporten.no/207718.webp?imageId=207718&x=0.00&y=0.00&cropw=100.00&croph=100.00&width=930&height=622&format=jpg)