Ete i lag

Det var Trøndelag Sørvest, Lakseregionen som inviterte til "Langbord for eldre" på Rindal Helsetun i dag. Under og etter pandemien har det vore begrensa muligheit til å delta på sosiale sammenkomstar, og det var ein svært fornøgd flokk som samla seg rundt langbordet til eit 3-retters festmåltid.

Langbordet kom i stand som eit samarbeid mellom seks kommunar, frivilligheita, næringslivet representert ved sponsorane Salvesen & Thams, Hemne Sparebank og Frøya-laks fra SalMar og Trøndelag Sørvest, Lakseregionen.

Eit svært velsmakande treretters måltid vart servert. Heile menyen og alt tilbehøret bestod av råvarer frå lokale produsentar og speglar mangfaldet av lokalmat i regionen.

Rettane var laga av dyktige kjøkenfolk under leiing av kjøkensjef på Rindal Helsetun, Anne Marthe Sogge. Frivillige frå Frivilligsentralen stod for dekking av bord og nydeleg pynt, og for servering og rydding.

Alle kokkane som er involverte i arrangementa har vore på arbeidsmøte der dei sette opp menyen og plukka ut råvarene.

Ved valg av av råvarer er det lagt stor vekt på helse, sunnheit, sykdomsførebygging og matglede.

- E et aillt så e grønt, sa Arnfinn (til høgre), - alle rettane var pynta med både grønt og med fargerike blomster.

Det var ikkje alle som hadde hjerte til å ete opp den fine, fargerike blomsteren som pynta rettane.

I går og i dag var det liknande arrangement i Orkland, Skaun, Heim, Hitra og Rennebu i samband med at Trøndelag er europeisk matregion (European region of gastronomy) i 2022.

Det er i alt 705 personar i kommunane Orkland, Skaun, Heim, Hitra, Rennebu og Rindal som er inviterte til i alt ni langbord i dei seks kommunane i løpet av to dagar.