Møre og Romsdal SP:
Senterpartiet vil gi 227 millionar kroner meir til Møre og Romsdal
Senterpartiet på Stortinget føreslår ei kraftig styrking av økonomien til kommunar og fylkeskommunar i forhandlingane om revidert nasjonalbudsjett for 2025. Det tyder 128 millionar kroner meir til fylkeskommunen allereie i år. Det tilsvarar 1300 elevplassar, 142 miljøarbeidarar eller fleire bussavgangar og gratis buss til alle ungdommar i heile fylket, skriv Møre og Romsdal Senterparti i ei pressemelding.
Meir pengar til dei vidaregåande skulane
– Dei siste åra har Høgre og Frp gjennomført massive kutt i vidaregåande opplæring. Senterpartiet på Fylkestinget har mange gonger føreslått å løyve meir pengar til dei vidaregåande skulane våre, men vorte nedstemt av dei borgarlege partia. Med desse midlane vil vi kunne gje meir pengar til dei vidaregåande skulane, og sikre ei desentralisert utdanning i heile fylket. Vi vil også kunne oppretthalde linjetilbod og sikre at vi utdannar ungdommane våre i tråd med behova til næringslivet, seier Per Ivar Lied.
Totalt foreslår Senterpartiet å styrke kommunane i Noreg med 2 milliardar kroner og fylkeskommunane med 1,213 milliardar kroner i 2025. Midlane skal komme som frie midlar, slik at lokale folkevalde får handlefridom til å prioritere det innbyggarane treng mest.
– Det er kommunane og fylkeskommunane som driv mange av dei nære tenestene, slik som skular, barnehagar, eldreheimar, tannhelse, ferje og vegar. Ei styrking av kommuneøkonomien vil sikre slike tenester nær folk i heile Møre og Romsdal, seier Senterpartiet sin gruppeleiar Henrik Stensønes.
Betre kommuneøkonomi i 2026
Annonse
I tillegg legg Senterpartiet opp til ein vekst i frie inntekter for kommunar og fylkeskommunar på 4 milliardar kroner i 2026. Det er 2–2,7 milliardar meir enn det regjeringa føreslår i kommuneproposisjonen.
– For Senterpartiet er det viktig at det skal gå an å drive næring, og å bu og leve gode liv i heile fylket. Då er det viktig at vi har gode vegar, og billige ferjer og bussar som går ofte. Med desse ekstra millionane vil vi kunne ha ei ordentleg satsing på samfedsle og på ungdommane våre, seier Dordi Boksasp Lerum.
