Surnadal IL Håndball:

Barn og voksne i håndballdrakter sitter samlet ved små bord i en lys spisesal med røde stoler.
Lunsj – Godt med mat etter første treningsøkt.

Inspirerande og lærerik handballskule

Fredag arrangerte Surnadal IL Håndball, i samarbeid med Byåsen Elite Håndball, gratis handballskule for ungdomslag i Surnadal idrettshall.

Bjørn Gunnar Ansnes Bjørn Gunnar Ansnes SKRIBENT
Publisert Sist oppdatert

Målgruppa var jenter i alderen 13 – 16 år, og Surnadal IL Håndball hadde i tillegg til eigne spelarar også invitert spelarar frå Rindal IL og Sunndal IL.  

Det var Byåsen Elite Håndball sin nye trenar, Thomas Engen, og Mathilde Arnstad,  landslagsspelarar frå elitelaget, som var instruktørar og forbilde på handballskulen, der atten motiverte og lærevillige jenter var med.  

Tre personer står i et pauserom foran kaffemaskiner og kaffekopper.
Surnadal IL Håndball og Byåsen Elite Håndball har underteikna ein samarbeidsavtale som gjeld frå september.

Har underteikna samarbeidsavtale 

Surnadal IL Håndball og Byåsen Elite Håndball har frå september inngått ein sportsleg samarbeidsavtale, og skulen er ein forsmak på denne samarbeidsavtalen.  

Byåsen Elite Håndball har i tillegg lagt oppstarten av sesongoppkøyringa si til Surnadal, og skal fredag ettermiddag trene i idrettshallen. Laurdag har dei trening med Aron Rodal Haugen og Isak Drøpping i «frustrerte fruers vei», før dei tek turen til Vindøladalen.   

Ungdommer sitter på gulvet i en gymsal mens en instruktør står ved siden av og holder en økt.
Landslagsspelar Mathilde Arnstad frå Byåsen Elite Håndball var ein inspirerande instruktør.


– Dette er positivt både for håndball, samarbeid på tvers av kommunegrenser, reiseliv, samarbeid mellom ulike sportsgrener og for Surnadal som helhet, seier Karina Wigum i Surnadal IL Handball.   

– Felles trening for flere klubber er positivt både på kort og lang sikt, sa Byåsen Elite Håndball sin trener Thomas Engen.  

– På denne måten når vi flere på samme tid, og kvaliteten på treningene blir derfor bedre, la han til.  

Et håndballag og støtteapparat poserer i en innendørshall med gulvmarkeringer og veggplakater.
Dei atten jentene var svært motivert og lærevillig, sa Mathilde og Thomas.



Positive og lærevillige jenter 

Spelarane som var med på handballskulen fredag kom frå Rindal J15, Sunndal J14 og Surnadal J14 og J16.  

– Dette var skikkeleg artig og veldig lærerikt, var dommen frå både rindalingane og sunndalingane.  

– Vi fikk lære å bli bedre til å spille hverandre gode og å plassere oss riktig, sa jentene frå Surnadal J14 og J16.  

– Det er verkeleg insipirerende å trene en gruppe med så motiverte og lærevillige spillere, sa instruktørane Mathilde Arnstad og Thomas Engen.  

To personer i mørkeblå sportsdrakter står på en innendørs håndballbane.
Mathilde Arnstad og Thomas Engen var instruktørar under handballskulen i Surnadal.

Hadde ikkje vore mogleg utan sponsorar og frivillige

Både Karina Wigum og Eva Kristin Solli understrekar at det ikkje hadde vore mogleg å arrangere handballskulen utan sponsorar og dei frivillige.  

– Vi vil takke Brannkassen Surnadal og dei andre støttespelarane frå lokalt næringsliv, seier Karina og Eva Kristin.  

– Vi takkar også dei frivillige for innsatsen, la dei til.  

 

håndball surnadal il håndball sport surnadal il nyheter surnadalsnytt
Powered by Labrador CMS