Klokkar Randi Bøe (t.v.) og soknerådsleiar Eva Jorid Svendsen håpar på lagleg olsokver til utegudstenesta med dåp, kyrkjebåtroing, biskop, prost og mange andre på Åsskard denne søndagen.

Utegudsteneste i Åsskard

Åsskard Sokneråd Åsskard Sokneråd innsendt bidrag
Publisert

Biskop Ingeborg Midttømme og prost Vidar Wilhelmsen Rygh deltek på olsokgudstenesta i Åsskard denne søndagen.

Planen er å feire utegudsteneste på Grendaplassen. Blir veret uhøveleg, samlast ein i kyrkja like ved.

Tre born skal døypast denne dagen. Det er også nattverd. Takkofferet går til arbeidet i kyrkjelyden. Etter messa er det kyrkjekaffe.

Som ekstra markering av 150-årsjubileet i Åsskard er kyrkjebåten «Hjelmkonnå» klar for historisk rotur denne søndagen. Båten har plass til 14 roarar, så her kan ein melde seg på (til soknerådet) og få ein fin jubileumstur! Ein startar ved Elvanesset i Bøfjorden kl 10 – men er også her avhengig av lagleg ver.

ANNONSE:

gudstjeneste arrangement åsskard sokneråd nyheter surnadalsnytt
Powered by Labrador CMS