Vårsøg 4H gjentok suksessen frå i fjor

Det har vore ei innhaldsrik helg for Vårsøg 4H, med besøk på brannstasjonen i går og samling i slalombakken i dag. Klubben hadde slalombakkedag i fjor også, og det var ein suksess, så det vart bestemt at det måtte bli ein tadisjon. 4H er ein medlemsstyrt klubb, og det er ungane som legg opp til kva aktivitet det skal vere når ein samlast. I fjor var det heile fem nybegynnarar som lærte seg å renne på slalombakkedagen, og no er ivrige brukarar av alpinanlegget. Sidan det var så mange som lærte det i fjor, var det berre ein fersking i år, og ho stortivdes.

Denne dagen er litt ekstra spesiell for klubben, for det er på dagen fire år sidan han vart starta, og det er vel verdt ei feiring. Klubben har gradvis vakse seg større, og det er godt samhald i gjengen. Her hjelper dei store dei små, og det er alltid gøytt. Klubbrådgjevar Berit Bævre fortel at ho er heilt rørt av å sjå kor greie dei er med kvarandre. -Og her er det plass til mange fleire.