Kontaktperson i Indre Nordmøre barneverntjeneste

Indre Nordmøre barneverntjeneste har ledig fast 100% stilling for kontaktperson.

Barneverntjenesta består av kommunane Surnadal, Rindal, Tingvoll og Sunndal. Surnadal kommune er vertskommune og tenesta er organisert med kontorstader både i Sunndal og Surnadal.

Vi er organisert i tre team med eigne teamleiarar.

To team, eit i Surnadal og eit i Sunndal, arbeider med avklaring av meldingar, undersøkingar og hjelpetiltak for barn som bur heime. Det er teamleiar ved begge teama.

Eit team arbeider med tilsyn, hjelpe- og omsorgstiltak for barn som bur utanfor heimen.

Arbeidsoppgåver i stilling som kontaktperson:

• Saksbehandling etter lvov om barnevern
• Systematisk arbeid for å sikre framdrift i dei sakene ein har hovudansvar for, i nært samarbeid med andre
• Utstrakt kontakt med barn og foreldre/foresatte, der medverknad blir vektlagt
• Fokus på veiledning og endringsarbeid i samarbeid med familien og nettverket
• Forberede, gjennomføre og følge opp saker i barnevern- og helsenemda og andre rettsinstansar

Kvalifikasjonar:

• Utdanning som barnevernspedagog eller sosionom, ønskeleg med relevant mastergrad
• Anna bachelorgrad kan bli vurdert om ein har vidareutdanning eller master som er relevant for arbeidet i barnevernet
• Ønske om barnevernfagleg arbeidserfaring
• Du må ha førarlort kl.B og kunne disponere eigen bil, men vi har også tenestebilar tilgjengeleg
• Det er krav om tilfredsstillande politiattest som ikkje skal vere eldre enn 3 månader

Personlege eigenskapar og fortrinn som er viktige i stillinga:

• å kunne arbeide sjølvstendig og strukturert, m.a med tanke på tidsfrister
• vere god på å få til kommunikasjon og evne til å få til samarbeid
• kunne stå i pressa situasjonar over tid vere i stand til å handtere følelsesmessige påkjenningar
• framstå som trygg og sikker i barnevernfaglege vurderingar
• vere venleg og imøtekomande, men samtidig tydeleg og ha gjennomføringsevne
• kunne løfte blikket og tenkje heilheitleg
• å ha god muntleg og skriftleg framstillingsevne er sentralt med tanke på dialog, god kommunikasjon og dokumentasjon i alle sider av arbeidet

Ved tilsetting blir det gjort ei samla vurdering av krava til kvalifikasjonar, personlege eigenskapar og tilbakemeldingar frå referansepersonar.

Aktuelle søkarar blir kalla inn til samtale.

Søknadsfrist: 05.10.2025

Les meir og søk på Surnadal kommune si heimeside