Fotokåseri på Sjøbruksmuseet:

Seks sjøfolk står samlet på dekket av et skip med tauverk og mast i bakgrunnen.
Fraktemannskap på DS «Bøfjord» i 1920-åra. Skipper Broder Sæther (Kringlå, frå venstre), maskinist Ludvik Larsen, styrmann Ola Storsæter, matros Arker Enoksen, fyrbøtar Magnar Enoksen, stuert Gunnar Settem og matros Leif Sæther (Kringlå). Den ukjende fotografen var også matros om bord.

Gjensyn med historia

Drama og idyll. Skuter og sjøliv. Plassar og profilar. Glimt frå lokal kultur og historie fyller temastunda på Bøfjorden Sjøbruksmuseum denne søndagen.

Bernt G. Bøe, for Bøfjorden historielag Bernt G. Bøe, for Bøfjorden historielag INNSENDT BIDRAG
Publisert Sist oppdatert

Havgåande skip vart bygde i fjøresteinane. Kva skjedde med dei? Og kva hadde Tysklands rikspresident Hindenburg med ei Bøfjord-skute å gjera?

Sort-hvitt-bilde av en mann som sitter og en kvinne som står ved siden av ham innendørs.
Som sjøllærd skipsingeniør leia Anders A. Kvande (Øvergeilen, 1860-1929) bygginga av mange havgåande dampbåtar. Her saman med kona Maret (f. Dalsbø; 1866-1954).

Edvard Langset samla unike eventyr i bygdene våre. Museet gir smaksprøver.

Barn med rød nisselue kikker mellom trestammer i skogen.
Eventyret «Guten i gadda» etter Maret Sollid (Dalabakken) er unikt for heile landet. Her er hovudpersonen framstilt av ein ung John Heggem jr.

Både artige og mystiske hendingar lever i namn og minne. Kva grov dei ut på Hjelmkona? Kva skjedde ved Liavatnet?

Steinruiner og løse steiner i et grønt landskap dekket av tåke.
Kva drift var det oppe i Hjelmkona først på 1800-talet?
En rolig innsjø med skog rundt og refleksjoner i vannflaten.
Idyll pregar Liavatnet aust for Settemsdalen. Men kva historie skjuler seg bak Vasshaugen?

Eit fargerikt persongalleri dukkar fram. Skrinet hans Jens Kråkån frå 1860 hjelper oss å formidle historie frå ein nedlagd husmannsplass.

En gammel, mørk reisekoffert med håndmalte ornamenter og teksten «S. J. Kalseth 1860».
Viss skrinet hans Jens Kalseth (Kråkå; Sagsjøen) kunne fortelje, vart det eit trøysamt Dagens Tema!

Museet si målsetting er å halde ukjend og halvglømd historie levande – å dra forheng til side. Eit forsøk på dette er søndagens «Gjensyn» - foto frå Nordmøre med historikk bak.

Vi har hatt mange vellykka langforedrag i det siste. Denne gong kjem kortare glimt vekselvis.

Gjertrud og Gunnhild sørgjer for kaffe med tilbehør.

-

ANNONSE: 

Fargerik plakat for Bøfjorden Historielag og Sjøbruksmuseet med program, bilder og tekst om søndagsåpent.



 

surnadalsnytt bøfjorden historielag nyheter bøfjorden sjøbruksmuseum arrangement
Powered by Labrador CMS