Til fjells med radiobjeller
Endeleg vart det tid for saueslepp, minst to veker seinare enn vanleg! I år blir 50 rindalssøyer sende til fjells med radiobjeller utlånt frå Fylkesmannen i Møre og Romsdal og betalt frå potten forebyggande og konfliktdempande tiltak mot rovviltskader.
Rindal er i lag med Vistdalen, Isfjorden og Måndalen utpeika som prøveområde for utprøving av elektroniske radiobjeller på sau. I dette beiteprosjektet blir det fokusert både på flåttoverførte sjukdomar på lam og å lette tilsynet i samband med dokumentasjon på rovviltskade i beiteområdet.
I Rindal har 5 saueeigarar i år fått utdelt 10 radiobjeller kvar. Ein terminal, ein grå boks, (sjå bildet til høgre) blir festa på halsklaven på nakken på dyret. Ved å gå inn på telespor.no på eigen PC kan saueeigaren til ei kvar tid sjå kvar søya er på eit kart over beiteområdet. Ein kan óg spore på kartet kvar søya har gått etter utslepp.
Oppdateringsfrekvensen kan ein sjølv bestemme og stille inn på til dømes kvar 8 time. Dersom søya held seg roleg i meir enn 3 timar, blir ein alarm utløyst og eigaren får melding på mobiltelefon.
Du som går i fjellet i sommar vil kunne gå deg på sauer med raude, blå, gule eller grøne "slips" . Slipsfargen viser kor mange lam søya skal ha med seg.
Blå sløyfe: Eitt lam
Inga sløyfe: To lam
Raud sløyfe: Tre lam
Grøn sløyfe: Fire lam (sjeldan å sjå)
Gul sløyfe: Søya har ikkje lam
Dette er felles merking for alle saueeigarane i Rindal
Blå sløyfe: Eitt lam