Kaffelag og dans.

Mange gjekk opp til Nauståfossen -

– og andre kleiv enda høgare opp for å få nærbilde av øvre del av fossen.

Jorunn Ørsal og Magnhild Dyrnes ved restane av den gamle kraftstasjonen. I bakgrunnen ser vi den hydrologiske målestasjonen som er plassert her ved Kårvatn.


Etterpå ber det ned til Myrvang, der Liv og Jon tek imot oss med opne armar som alle tidlegare år, og Liv møter oss med eit stort fat saftige, oppskorne melonar.

Med trekkspel- og felemusikk frå trappa finn vi oss sitteplass på gardsplassen og får servert graut og bakels, høyrer Narve Talgø lesa minnevers om Halvor Ørsal og fortelje om Anton Myrvang. Innimellom høyrer vi også Fredrik Sjøflot spela på blokkfløyte.


Nede på Myrvang blir det servert graut og bakels.

Narve Talgø les eit minnevers om Halvor Ørsal, skrive av Laif Halse. Han fortel også om Anton Myrvang, som var ein dyktig handverkar og laga ma. river og ljåorvar.

Også i år var vi så heldige å få Guri på trekkspel og Lars på fele til å spela opp til dans. Her forsterka av Fredrik Sjøflot på blokkfløyte.
 

Før vi dreg heim, blir det tid til ein dans på vollen; og kvar høver det betre med nordmørspols og Tovassvalsen enn nettopp her på Myrvang, heimplassen til Halvor Ørsal.


Vals i ring. Foto: Per Bruset

Oddbjørg Einmo og Magnhild Dyrnes, Brit Nordvik og Odd Enge svingar seg i Tovassvalsen.

Narve Talgø, Ottar Halle, Fredrik Sjøflot og Magnhild Dyrnes kosar seg i sola.

Martinus og Grete Torvik, Per og Bjørg Bruset saman med Sigrun Ørsal nyter sol og dansemusikk.

Brit og Odd likar òg musikken.

Godt å slappa av etter turen til fossen.
 

Som takk overrekkjer leiar for stavganggruppa, Martinus Torvik, blomster til musikarane, Guri og Lars, og vertskapet, Liv Larsen og Jon Myrvang.

Martinus takkar for fin musikk ved å gje hortensia til musikantane.

Martinus takkar også vertinna, Liv Larsen, med blomster.

Vertskapet, her ”rådsen” Jon Myrvang, saman med Liv Larsen. I midten Jorunn og Inge Ørsal.

Randi avsluttar dagen ved å kjøpa sportsutstyr på den velutstyrte butikken Kårvatn Fjellutstyr.

Dette var siste turen i vårsesongen, der i gjennomsnitt 29 deltakarar har møtt opp!

Vi startar opp att den 7. august med tur til Sjøasetervatnet.
 

God sommar og vel møtt til hausten!

Tekst og dei fleste foto: Vidar Sogge