Guri Bolme Nonstad får førstehjelp av Nathalie Nordlund. Richard Halgunset veileder.

–Ein må tora å ta ansvar

10. klasse har eit kompetansemål i kroppsøving som seier at dei skal forstå og gjennomføre livreddande førstehjelp. Rindal Røde Kors vil gjerne hjelpe skulen med å nå dette målet, og kom difor på besøk onsdag morgon. I tillegg til undervisning hadde dei med ei gåve til kvar klasse på Rindal skole.

Publisert Sist oppdatert

Rektor Mette Skjølsvold Aasen og inspektør Sondre Bjørnstad er glade for at Røde Kors hjelper til i førstehjelpsundervisninga i 10. klasse.

– Ungdommane kan lett komme borti situasjonar der slik kunnskap er livsviktig, seier Mette.

Elevane skal læra seg førstehjelp og grunnprinsippa i hjerte- og lungeredning.

Ungdommane øvde seg på kva spørsmål dei skulle stille pasienten, og korleis dei skulle legge støttebandasje. Nokre av elevane prøvde seg på hjerte- og lungeredning.

– Det er veldig viktig å tørre å ta ansvar når ein er vitne til ei ulykke, eller om ein ser ein person som av ulike årsaker treng hjelp. Gå bort og snakk med vedkommande, ta i dei, spør korleis det står til, seier Richard.

– Ein må tora å ta ansvar, det reddar liv.

Richard hadde også med seg gåver til Rindal skole. Kvar klasse fekk seg ei førstehjelpspute som dei kan ha på klasseromma, og som passar i sekken når dei er på tur.

SJÅ BILDESERIE AV FLINKE UNGDOMMAR UNDER:

Powered by Labrador CMS