.png)
Flaumbilde frå Surna
Elvalangs
Elva vår har vist seg frå si dårlege side ved inngangen til denne veka. Vi føler med dei som mista dyr og kjempa mot vassmassane i formiddag. Samtidig var det godt å sjå all støtte og hjelp lokalsamfunnet kan by på.
Vi tek ein tur langs hovudelva for å sjå korleis det såg ut, slik mange gjorde idag.
Øvst i bildet ser vi Brønstadhølen i Rindal der mange buktingar og rindalingar bada i sommar.
Det fossar godt under den nye Sunnabrua.
Elva gjekk mot den nye vegen på andre sida, så her var vegen mellom Sunna og Sentrum stengt utover dagen.
Ved Igltjønna stod vatnet inn over badebrygga, men stupetårnet flaut like godt!
Det var ikkje stor klaring under den nyaste Bolmbrua.
Det skummar og buldrar godt rundt brukara!
Brei elv nedstrøms Bolmbrua.
Ved Kvammen fyller Surna godt opp i elvefaret, men vi ser av graset i vasskanten at den alt har minka litt.
På ekrene ved Sande breier elva seg utover.
Slik såg det ut ved utløpet frå Trollheim Kraftverk, som visstnok stengte ned for ikkje å tilføre ekstra vatn til Surna.
Litt for mykje vatn ved gapahuken til at det vart kaffekos denne dagen.
Heldigvis hadde dei fleste sauene i dalen ein fredeleg dag.
Elva truar campinglivet!
På andre sida av elva er det vått.
Vi ser Røv Mølle borte ved lia.
Så ser vi utover «markene» der det var mest dramatisk med tap av husdyr tidleg idag.
