- Søndag 05.02 Gudstjeneste Øvre Rindal
- Søndag 05.02 Høgmesse Ranes kyrkje
- Søndag 05.02 Familiegudsteneste Stangvik kyrkje
- Søndag 05.02 Håndballkamper i Rindalshuset
- Søndag 05.02 Rindal kino: Mission Impossible: Ghost Protocol
- Mandag 06.02 Barneforening i Rindal
- Tirsdag 07.02 Innendørs skyting på Angråmyra
- Onsdag 08.02 Rindal Pistolklubb trening onsdager
- Onsdag 08.02 Åpen leikeplass
- Onsdag 08.02 Skitrimmen
Vårsøghelg-avslutning med Hans Hyldbakk sin gamle gitar
Henning Sommerro overraska publikum under Vårsøghelg-avslutninga i Surnadal kulturhus søndag kveld med å spele "E slåttatæja" på Hans Hyldbakk sin gamle gitar. Gitaren har Sommerro nyleg fått som gåve, og seier til Trollheimsporten at klenodiet bør få ein plass i Surnadal - gjerne på Kleiva. Sjå bilder frå Vårsøghelga sitt avslutningsarrangement her!
- Gitaren er ikkje heilt stemt, men kan heller ikkje stemmast. Strengane er sikkert ikkje skifta på 100 år, seier Henning Sommerro med eit smil.
Etter å ha spela "E slåttatæja" for dei rundt 200 publikummarane i Storstuå, spurte han spøkefullt om det var ein doktor i salen. Dei gamle strengane på den endå eldre gitaren som Kleivakongen Hans Hyldbakk selde for svært mange år sidan, var nemleg såpass harde å spele på at Sommerro fekk kraftig vondt i fingrane.
- Men det gjekk fort over. Fingrane har det bra, seier han til Trollheimsporten etter konsertarrangementet "Karra og kvinnfolk. Mmm...!". Med på kulturkvelden som avrunda årets Vårsøghelg, hadde han programleiar Svein Sæter, Sverre og Randi Hatle, Maija Skille, Trygve Brøske, John Pål Inderberg akkompagnert av strykarar frå Trondheim samt "Førkjånn" frå Valsøyfjord, som framførte tekster av Margrete Seter, Vårsøglaget sin daglege leiar som brått gjekk bort sist haust.
Henning Sommerro seier han er godt fornøgd med årets Vårsøghelg.
- Nokre småting var det arrangementsmessig, men alt i alt var dette ei god Vårsøghelg. No får Vårsøglaget evaluere årets festival, så får vi gå i gang med planlegginga av neste år.
Klikk på bilda for større versjonar.
Henning Sommerro, Trygve Brøske, Maija Skille og John Pål Inderberg i temperamentsfullt samspel.
Førkjånn framførte tekster av Margrete Seter, tonesett av Kolbjørn Botten. Medlemmene i Førkjånn er Oddrun Strand, Liv Glomstad, Eli Funes Fjærli, Anne Botten Stokke og Siri Sæterbø.
Sverre Hatle fekk fram latteren i salen med sitt kåseri om det stadig meir kjønnsnøytrale språket.
John Pål Inderberg, Vårsøghelga sin faste og kjære gjest, sørga for vakker stemning og sprelsk melodiøsitet.
Trygve Brøske frå Stangvik var i løpet av Vårsøghelga i aksjon både i ensemblet til Unni Boksasp laurdag og som akkompagnatør for Maija Skille søndag.
Svein Sæter gav nyleg ut boka Draumen om Abebe Bikila - Reisebrev frå Etiopia. Nasjonalhelten Abebe Bikila vann OL-maraton berrføtt i 1960, og Bikila sin son har no invitert Sæter til Etiopia for å bli med på 50-årsjubileet for OL-gullet.