Forutan dagsenter skal kommunestyret i Surnadal behandle vidare drift av Nordmøre Voldtektsmottak med 30 000 kroner, kompetanseheving og utvikling av betre tenester innan helse og omsorg, leiaropplæring i kommunen til 300 000 kroner, sal av gammelskulen i Todalen for minimum 200 000 kroner, etablering og drift av SIV-inkubator as, administrasjon av renovasjonsordninga - der det er framlegg om å skifte frå NIR til HAMOS og opprustning av lokal program- og maskinvare i samband med interkommunalt samarbeid.

Dette er framlegget formannskapet kjem med til kommunestyremøtet i morgon torsdag når det gjeld dagsenter:
1. Surnadal kommunestyre opphever vedtak gjort i sak 57/09, punkt 1,2 og 3 om kjøp av rektorboligen ved Nordmøre Folkehøgskule. Mandatet til oppnemnd plan- og byggenemnd blir ut i frå dette og endra, sjå punkt 5.
2. Surnadal kommunestyre godkjenner planane om bruk av område ved Sommerro til dagsenter.
3. Arbeidet med utarbeiding av ein reguleringsplan for aktuelt område ved Sommerro, og område som naturleg høyrer til, blir starta opp. Det blir og sett i gang eit arbeid med ei detaljert byggeplan for området.
4. Finansiering av eit evtentuelt kjøp av grunn ved Sommerro på inntil kr. 800.000 blir dekt avmidlar avsett til dagsenter i økonomiplana i 2010. Kostnaden med kjøpet blir å fordele i etterkant på eventuelle andre prosjekt på området.
5. Oppnemnt Plan – og byggenemnd, utarbeider eit forprosjekt i høve bygging av eit nytt dagsenter, med detaljert kostnadsoverslag. Plan – og byggenemnda skal sjå på aktuelle løysingar for samlokalisering/sambruk av felles funksjonar for dagsenter til psykisk utviklingshemma og psykiatrisk dagsenter.
Desse blir vald som medlemmer i plan- og byggenemnda for nytt dagsenter:
a) Politisk vald medlem 1. Lars Polden, vara: Lilly Gunn Nyheim, 2. Stig Sæter, vara: Lina Sæterøy
b) Rådmannen utnemner to medlemmer, der den eine vil fungere som sekretær for byggenemnda.
c) Rådmannen utnemner ein representant for brukarane og ein representant for dei tilsette.
Dette siste vart gjort einstemmig i formannskapet etter framlegg frå Lilly Gunn Nyheim.

Du finn heile saklista til kommunestyremøtet i Surnadal her.

Over til venstre ordførar Mons Otnes (Ap) på talarstolen, og varaordførar Lars Polden (Sp).