surnadal bu

Surnadal BU størst i landet

Surnadal BU er blitt det største lokallaget av Norges Bygdeungdomslag, og hadde ved utgangen av 2010 nådd opp i 265 medlemmer. Surnadalingane vann med det den landsomfattande vervekonkurransen, og fekk overrekt premien på 3000 kroner på årsmøtet til Møre og Romsdal BU i helga.

Surnadal BU hadde 1. november i fjor 125 medlemmer, men etter aktiv verving var medlemstalet ved utgangen av året kome opp i solide 265 - som altså gjer lokallaget til det største BU-laget i Norge. Aktiviteten i Surnadal BU er stor, og til hausten skal dei saman med resten av fylket arrangere Haustarrangementet.

 På landsbasis resulterte vervekampanjen i 1400 fleire medlemmer. Norges Bygdeungdomslag har no totalt 5300 medlemmer, med Vestfold som det største fylkeslaget.

Dei største lokallaga:

1.Surnadal Bygdeungdomslag (265)

2. Voss Bygdeungdomslag (240)

3. Vardal Snertingdal Bygdeungdomslag (166)

4. Råde Bygdeungdomslag (146)

5. Bygdeungdomslaget Samhald (143)

6. Nes i Akershus Bygdeungdomslag (142)

7. Vestre Skjee Bygdeungdomslag (136)

8. Rakkestad og Degernes Bygdeungdomslag (136)

9. Aurskog Høland Bygdeungdomslag (131)

10. Spydeberg Bygdeungdomslag (127).