I fjor vart det fiske knapt 3,7 tonn laks og aure i Surna i løpet av sesongen frå 1. juni og ut august. Årets sesong er ein jubelsesong i samanlikning, og ein må tilbake til 2002 for å finne betre sesong.

- I 2002 var det ikkje kvoterestriksjonar slik vi har hatt no, så det er all grunn til å juble over årets sesong, seier Georg Solem. Han er likevel ikkje svært overraska over ein totalfangst på 7,37 tonn laks og aure i Surna i år.

- Statistikken viser at det cirka kvart tiande år er "laksetoppar" i elvene, og slik har det stort sett vore i Surna også. Det er grunn til å vente gode år i to-tre år no, før det blir ein ny nedgang. Etter tre svake år i Surna, var det gledeleg at 2010 slo så godt til. At det er god fangst i elva har svært mykje å seie, ikkje minst for turistnæringa i kommunen. Mange fiskarar heldt seg unna Surna eller var avventande i år, medan vi no allereie har registrert stor interesse for både 2011- og 2012-sesongen, seier Solem.

Årets "Ti på topp"-liste for laksefangsten i Surna:

1. Geir Tollhaug -  18,2 kilo

2. Finn Ove Kaldvansvik - 16,6 kilo

3. Glenn Olsen - 16,5 kilo

4. Helge Dalen - 14,5 kilo

5. Kristen Heggem - 14,4 kilo

6. Reidar Skogly - 13,6 kilo

7. Per Peterson - 13,0 kilo 

8. Rune Solbakken - 12,9 kilo

9. Kristen Mogstad - 12,5 kilo

9. Magne Hvattum - 12,5 kilo.

Les meir om laksefisket i Surna på surna.no.