Aktivitørane ved alderheimen kan ikkje få fullrost elevane ved skulen nok. Fysioterapeut Conny Hubner seier at besøka frå folkehøgskuleelevane, er litt av eit høgdepunkt for dei eldre. Mange som ofte blir sittande mest i ro, kjem seg på føtene og dansar. Dei syng med når elevane syng, og smiler frå øre til øre. For den som er med og styrer det heile, er det ein inspirasjon å sjå det engasjementet ungdommane legg for dagen, og kor ekte dei gler seg med dei eldre.

Pensjonistdagen har vore ein tradisjon i 31 år. Det vart starta da Harald Kalland var rektor. Her presenterer elevane eit vidt spekter av underhaldning, men det er nok koret som er det store høgdepunktet. Her er alle elevane med.