Trollheimsportens utsendte fekk vere den første til å ta i bruk den nye parkeringsautomaten, og fekk super opningstilbudspris. Betalingsterminalen er utstyrt med instruktiv tekst for inntasting av vegavgift og parkering. Parkeringsavgifta gjeld berre vintersesongen for å dekke brøytinga av plassen, og du betaler for kvar dag.

 Det er elektronikkbedrifta El-Watch AS i Bjergin industriområde i Rindal som har utvikla denne betalingsterminalen. Dei har levert liknande til sjølbetjente bilvaskeanlegg frå før, fortel dagleg ledar Tor Øystein Skjærmo til Trollheimsporten.

Dei har også utvikla ein betalingsterminal for sjølbetjente solstudio. Ei solstudiokjede har bestilt 20 terminalar pr år framover. Det ser ut som om El-Watch kom på markedet i rett tid med produkta sine.

Dette produktet som dei kallar JustCARD bank axept betalingshandteringssystem, er ei komplett løysing for å kople ein kortlesar til ei maskin. El-Watch har som ein av veldig få i landet ei godkjent løysing for bruk av bank axept kort.

Les meir om dette og om El-Watch på El-Watch sine heimmesider.

Sjå også heimesidene til Helgetunmarka. Både Helgetunmarka og El-Watch er medlemmer av Trollheimsporten!

Grunneigar Harald Helgetun viser stolt fra betalingsterminalen som Hallvard Helgetun frå El-Watch har vore med og motert

Slik ser betalingsterminalen ut

Utviklaren til El-Watch, Nils Arve Hyldbakk, viser oss den sjølbetjente betalingsterminalen dei har utvikla for solstudio

Nærbilde av betalingsterminalen med berøringsskjermen der dei ulike valga kan leggast inn