- Søndag 05.02 Gudstjeneste Øvre Rindal
- Søndag 05.02 Høgmesse Ranes kyrkje
- Søndag 05.02 Familiegudsteneste Stangvik kyrkje
- Søndag 05.02 Håndballkamper i Rindalshuset
- Søndag 05.02 Rindal kino: Mission Impossible: Ghost Protocol
- Mandag 06.02 Barneforening i Rindal
- Tirsdag 07.02 Innendørs skyting på Angråmyra
- Onsdag 08.02 Rindal Pistolklubb trening onsdager
- Onsdag 08.02 Åpen leikeplass
- Onsdag 08.02 Skitrimmen
Kleivaprisen til Trond Larsen
Trond Larsen fekk fredag kveld Kleivaprisen for sitt store og verdfulle arbeid for musikklivet i Surnadal i over 40 år, både som korpsdirigent og musikar i mange ulike samanhengar. - Dette er ei stor ære, sa Larsen etter utdelinga under Kleivakvelden. Yngvild Sæter (23) vart tildelt støtte frå Kleivafondet for fotoprosjektet "Stangvik 2010". Årets Kleivakveld vart gjennomført i strålande vêr og dei mange publikummarane fekk tradisjonen tru oppleve eit svært variert program, med artistar som Terje Tysland, Henning Sommerro, Torstein Snekvik, Aimee Leonard og Ola Kvernberg. Sjå stor bildekavalkade frå Kleivakvelden og andre av fredagens Vårsøghelg-hendingar her!
Klikk på bilda for større versjonar.
Kleivapris-mottakar Trond Larsen fekk stor applaus, og blir her gratulert av ordførar Mons Otnes.
Henning Sommerro styrte som vanleg mykje av showet. Her saman med fiolinist og fræning Ola Kvernberg.
Terje Tysland kom til Kleiva med både vare balladar, allsang og ein dose saftige gloser.
Aimee Leonard frå Orknøyene imponerte stort både som vokalist og måten ho spela bodran (tromme).
Mykje folk hadde funne vegen til Kleiva i det vakre vårveret.
Stemning var høg både på scena og blant publikum da unge Torstein Snekvik framførte Bøverdalsrock saman med John Pål Inderberg, Ola Kvernberg og Henning Sommerro.
Edvard Hoem heldt både foredrag om Bjørnstjerne Bjørnson i kulturhuset og las dikt under Kleivakvelden.- Kleiva er Lille-Aulestad, erklærte forfattaren.
Under leiing av Svein Sæter, las skuleelevar sjølvlaga dikt.
Skodespelar Marianne Meløy frå Vesterålen var årets konferansier.
Alle artistane deltok under avsynginga av Vårsøg.
Surnadal Hornmusikk og dirigent Lars Peder Sylte hadde fleire opptredenar fredag.
Folkesongar Unni Boksasp frå Straumsnes er plateklar, og opptrer også i Svinviks arboret laurdag.
Tidlegare på fredagen var det nettverkstreff, der m.a. Magnar Holten frå Profero, Magne Løfaldli frå SIV Industriinkubator, Atle Norli frå Surnadal Logistikk Partner og Svein Erik Nilsen frå Surnadal Transport heldt innlegg.
Mange var bokstaveleg talt høgt oppe under Vårsøghelga fredag. Desse sørga for eit flott skue - og hadde sikkert eit flott skue sjølv også...