Gunhild Eidsli konstituert som rådmann i Surnadal

Du kan lese heile saksframstillinga omkring konstituering av rådmann her.

Laget Vårsøg fekk auka sitt tilskott i formannskapsmøtet i dag frå kr.  95 000 til kr. 125 000,- frå 2012. Det saksaframlegget kan du lese her.

Over ser du konstituert rådmann Gunhild Eidsli, saman med ordførar Mons Otnes (Ap) og settevaraordførar Oddny Hoem (Ap) i dagens formannskapsmøte i Surnadal.

Til slutt i dagens møte vart kommunedelplanen for idrett og friluftsliv vedtatt. Den skal til kommunestyret for endeleg vedtak:

Her saksopplysningar lagt fram i dag:
Formannskapet vedtok i møte 12.04.11 å sette ned ei arbeidsgruppe på fem medlemmar for å rullere kommunedelplanen for idrett og fysisk aktivitet. Planen er grunnlagsdokumentasjon for å kunne søke spelemidlar til idretts-, nærmiljø- og friluftsanlegg.

Gruppa som har arbeidd fram høyringsdokumentet, som har fått namnet kommunedelplan for idrett og friluftsliv, har bestått av Ingebrigt Moen, leiar, Lilli Husby, einingsleiar kultur, Knut Haugen, leiar i Idrettsrådet, Anders Magne Ormset, leiar i Surnadal jeger og fiskeforening og Norunn Holten, Bæverfjord Idrettslag. Råg Ranes har vore sekretær.

Gjennom å annonsere i media og sende ut brev til lag- og organisasjonar, vart alle oppfordra om å melde inn anlegg og tiltak for den neste fireårsperioden. Arbeidsgruppa har hatt to møte. I tillegg vart det gjennomført eit folkemøte måndag 26.09.11, der Ulrik Opdal frå Idrettskretsen leia ein planprosess. Resultata frå det arbeidet er oppsummert i planen.

Surnadal Idrettsråd gjekk gjennom forslaget frå arbeidsgruppa til prioritet av anlegga på eit møte måndag 24. oktober.

Formannskapet vedtok på sitt møte tysdag 25. oktober å legge planen ut på høyring, og at Idrettsrådet sitt framlegg skulle leggast ved høyringsnotatet. Ved ein feilkalkulasjon vart andre runde i formannskapet gløymt, fristen for høyringsutale vart tilpassa behandling i kommunestyret den 8. desember, og sett til måndag 28.11.2011.

Vi ber no formannskapet behandle saka som ho ligg føre i dag (den 23/11), med dei høyringsuttalane som er kome inn innan den 22/11. I tillegg ber vi om at dei uttalane som kjem inn innan den 25/11 kan bli lagt fram direkte til formannskapet på møtet.Surnadal kommune Kommunedelplan for idrett og friluftsliv 2012-2016 Fristen er som sagt den 28/11 og ungdomsrådet har møte den dagen kl 12.00 der dei vil behandle saka, den uttalen samt eventuelt andre uttalar som kjem inn den 28/11 håpar rådmannen at vi kan leggje fram direkte i kommunestyret 8. desember.

Det er særdeles viktig for dei som skal søkje på spelemidlar i 2012 at denne saka blir vedteke i 2011. I tillegg til Idrettsrådet si prioritering av handlingsprogrammet har det kome inn tre høyringsuttalar. Den er frå Naturvernforbundet, Surnadal SV og Surnadal IL.

Dette vart vedtatt i formannskapet i dag:
 I lista over prioriterte anlegg A1 blir Motocrossbanen sett på andre prioritet, mens Øye stadion blir sett på tredje prioritet. Turprosjektet blir sett på femte prioritet, men med anleggsstart i 2013.
 I lista over ordinære anlegg for idrett og utbygging – uprioritert del A2, kjem det ei ekstra rad med tekst: Gang og sykkelbru frå Svartvassområde til Øye.
 I lista over prioriterte anlegg A1 blir lagerbygg til friidrettsanlegget på Øye stadion sett inn på prioritert plass nr 17.

Du kan lese heile saksframstillinga her.