Ferie og fotball er ikkje så verst ein kombinasjon. Sjølvsagt kan dagane brukast til å sjå VM-kampar på TV, men like artig er det å spele sjølv.

Surnadal IL har denne og neste veke fotballskule på Syltøran. Tirsdag var det ekstra stas for mange, da ein god del av Molde sine A-lagsspelar var instruktørar for rundt 100 fotballinteresserte i alderen 6-16 år i kommunen.

Eliteserielaget gjesta Surnadal både for å undervise på fotballskulen, ha miniseminar og spele treningskamp mot Surnadal sitt A-lag - ein kamp som MFK vann 4-1. Pape Pate Diouf, Christian Steen, Baye Djiby Fall og Marcus Andreasson scora for MFK, medan Roy Bolme reduserte for Surnadal.

Gleda over å møte MFK-spelarane var stor hos fotballskule-deltakarane, som fekk mange gode råd og vink frå Vegard Forren, Marcus Andreasson, Knut Dørum Lillebakk, Mattias Moström & Co.

Klikk på bilda under for større versjonar.

Henrik Laukli (9), Sivert Laukli (11), Andreas Gimse (12) og Kristoffer Berset (11) likte seg på fotballskule.

Konsentrert skytetrening under kyndig leiing av Mattias Moström.

Det er godt å få hjelp frå ein MFK-spelar til å knyte skoreimene skikkeleg!

Full innsats og god stemning på banen.

MFK-målvakt Knut Dørum Lillebakk hadde også gode råd å gje om utespelet.

Marcus Andreasson følgjer med medan dei yngste prøver å få ballen i mål.

Ingenting å utsetje på innsatsen hos dei unge fotballskuledeltakarane...

... men av og til kan det vere litt kjedeleg å stå i mål...