Surnadal Motocrossklubb er no klar for å arrangere Midtnorsk meisterskap 11. og 12.september. Offisiell åpning av nybanen blir den helga, men klubben hadde open bane for trening no i helga.

- Vi kan seie oss fornøgd med godt over 20 køyrarar både laurdag og søndag. Dei fekk trena mykje, og vi får gode tilbakemeldingar på banen etter ombygginga, fortel Grete Ranes Heggem, som har sendt bilder til Trollheimsporten frå treningshelga.

- Det har vore ein fast gjeng som har jobba mykje med å få anlegget ferdig. Da er det ekstra hyggjeleg at ordføraren tek seg tid til å kome på besøk, og viser interesse for idretten vi i klubben brenn for. Å drive med motorsport i trygge rammer på eigen bane, der vaksne er saman med born og unge, er for oss i klubben ei drivkraft for å halde på. Vi opplever eit veldig godt miljø for born, unge og voksne. Medlemstalet har gått noko ned sidan starten i 2001, men det siste året har vi fått fleire yngre køyrarar med, så no ser det betre ut for rekrutteringa, seier Ranes Heggem.

11. og 12. september kan motocrossklubben ønskje publikum og rundt 100 køyrarar frå Midt-Norge velkomne til den femte runden av årets Midtnorske meisterskap på crossbanen på Kvanne.

Les meir om klubben på heimesida www.smxk.no.